நீங்கள் தேடியது "ரேசர் போன்"

மோட்டோரோலா நிறுவனம் மடிக்கக்கூடிய ஸ்மார்ட்போனினை உருவாக்கி வருவதாக தகவல் வெளியாகி வருகிறது. மோட்டோ மடிக்கக்கூடிய ஸ்மார்ட்போன் கான்செப்ட் ரென்டர்களில் சில விவரங்கள் வெளியாகி இருக்கும் நிலையில், தற்சமயம் மென்பொருள் பற்றிய விவரங்கள் தெரியவந்துள்ளது.

அந்த வகையில் ஸ்மார்ட்போன் திறக்கப்பட்டிருக்கும் நிலையில் ஸ்மார்ட்போனின் இரண்டாவது டிஸ்ப்ளேவை கொண்டு தரவுகளை ஸ்கிரால் செய்து கொள்ளலாம். மேலும் முதற்கட்டமாக இரண்டாவது டிஸ்ப்ளேவில் குறிப்பிட்ட சில செயலிகளை இயக்குவதற்கான வசதியை மோட்டோரோலா வழங்கும் என தெரிகிறது.

மோட்டோரோலாவின் மடிக்கக்கூடிய ஸ்மார்ட்போன் சாம்சங் கேலக்ஸி ஃபோல்டு மாடலில் இருப்பதை போன்று முழுமையான ஆண்ட்ராய்டு அனுபவத்தை வழங்காது என XDA டெவலப்பர்கள் அறிக்கையில் தெரிவிக்கப்பட்டுள்ளது. மேலும் இந்த ஸ்மார்ட்போனின் இரண்டாவது டிஸ்ப்ளேவில் பிரீ-இன்ஸ்டால் செய்யப்பட்ட சிஸ்டம் செயலிகளை மட்டுமே டிஸ்ப்ளே செய்யும் என கூறப்படுகிறது.

ஸ்மார்ட்போன் மடிக்கப்பட்ட நிலையில் இரண்டாவது டிஸ்ப்ளேவினை இயக்க முடியும், எனினும் இந்த நிலையில் பயனர்கள் மோட்டோ டிஸ்ப்ளே, மோட்டோ ஆக்ஷன்ஸ் மற்றும் மோட்டோ கேமரா உள்ளிட்டவற்றையே இயக்க முடியும் என கூறப்படுகிறது. மற்ற அம்சங்களை பொருத்தவரை ஸ்மார்ட்போனின் இரண்டாவது டிஸ்ப்ளே டிராக்பேட் போன்றும் இயங்கும் என தெரிகிறது.

இதை கொண்டு க்ரோம் பிரவுசிங் செய்ய முடியும் என கூறப்படுகிறது. கூடுதலாக இந்த டிஸ்ப்ளேவில் அதிகபட்சம் ஆறு க்விக் செட்டிங்களை காண்பிக்கும் என்றும் இவை டைல் வடிவில் இடம்பெற்றிருக்கும் என தெரிகிறது. எனினும், இதை பயனர்கள் ஸ்கிரால் செய்ய முடியுமா என்பது குறித்து எவ்வித தகவலும் இல்லை.

மெயின் டிஸ்ப்ளே மற்றும் இரண்டாவது டிஸ்ப்ளேக்களில் வெவ்வேறு வால்பேப்பர்களை வைத்துக் கொள்ள மோட்டோரோலா புதிய அம்சத்தை அறிமுகம் செய்யும் என எதிர்பார்க்கப்படுகிறது. இத்துடன் மோட்டோரோலா சில அம்சங்களை வழங்குவதற்கான சோதனைகளில் ஈடுபட்டிருப்பதாக கூறப்படுகிறது.

மோட்டோரோலா நிறுவனத்தின் பிரபல மொபைல்களில் ஒன்றாக இருந்த ரேசர்போன் மீண்டும் விற்பனைக்கு வரயிருக்கிறது.

மடிக்கக்கூடிய மோட்டோ மொபைல் போன் முதற்கட்டமாக அமெரிக்காவில் விற்பனைக்கு வரும் என்றும் அடுத்த மாதம் விற்பனை துவங்கும் என வால் ஸ்ட்ரீட் ஜர்னல் வெளியிட்டிருக்கும் தகவல்களில் தெரிவிக்கப்பட்டுள்ளது. 

ஃபிளெக்ஸ்பை மடிக்கக்கூடிய ஸ்மார்ட்போனின் விலை 1600 டாலர்கள் (இந்திய மதிப்பில் ரூ.1,12,000) வரை நிர்ணயம் செய்யப்பட்டிருக்கும் நிலையில், புதிய ரேசர் போனின் விலை 1500 டாலர்கள் (இந்திய மதிப்பில் ரூ.1,07,107) வரை நிர்ணயம் செய்யப்படலாம் என எதிர்பார்க்கப்படுகிறது.

பிப்ரவரி 2018 இல் லெனோவோ தலைமை செயல் அதிகாரி ரேசர் போன் புதிய வெர்ஷனின் டீசரை வெளியிட்டிருந்தார். பின் கடந்த ஆண்டு ஆகஸ்டு மாதத்தில் அந்நிறுவனம் பதிவு செய்திருந்த சில காப்புரிமைகளில் மடிக்கக்கூடிய ஸ்கிரீன் கொண்ட ஃப்ளிப் போன் வெளியாகலாம் என கூறப்பட்டது.

சி.இ.எஸ். 2019 விழாவில் சீன நிறுவனமான ராயல் மடிக்கக்கூடிய ஸ்மார்ட்போனினை அறிமுகம் செய்தது. முன்னதாக 2018 ஆக்டோபரில் ஃபிளெக்ஸ்பை ஸ்மார்ட்போன் அறிமுகம் செய்யப்பட்டது. இந்த ஸ்மார்ட்போனில் மடிக்கும் தன்மை கொண்ட AMOLED டிஸ்ப்ளே, குவால்காம் ஸ்னாப்டிராகன் 855 சிப்செட் கொண்டிருக்கிறது.

இருவித மெமரி ஆப்ஷன்கள்: 6 ஜி.பி. ரேம், 128 ஜி.பி. மெமரி, 8 ஜி.பி. ரேம், 256 ஜி.பி. மெமரி கிடைக்கிறது. ஆண்ட்ராய்டு 9.0 பை இயங்குதளம் மற்றும் வாட்டர் ஓ.எஸ். யு.ஐ. கொண்டிருக்கிறது. 7.8 இன்ச் மடிக்கக்கூடிய டிஸ்ப்ளே கொண்டிருக்கும் ஃபிளெக்ஸ்பை ஸ்மார்ட்போனில் 16 எம்.பி. மற்றும் 24 எம்.பி. செல்ஃபி கேமரா, யு.எஸ்.பி. டைப்-சி போர்ட், டூயல் சிம் ஸ்லாட் உள்ளிட்டவை வழங்கப்பட்டுள்ளது.

ரேசர் நிறுவனம் கடந்த ஆண்டு அறிமுகம் செய்த ரேசர் போன் மாடலின் மேம்படுத்தப்பட்ட ஸ்மார்ட்போனாக ரேசர் போன் 2 அறிமுகம் செய்யப்பட்டது.

ரேசர் போன் 2 மாடலில் 5.72 இன்ச் குவாட் ஹெச்.டி. 120Hz அல்ட்ராமோஷன் டிஸ்ப்ளே வழங்கப்பட்டுள்ளது. இதனால் கேமிங் செய்யும் போது சிறப்பான கிராஃபிக்ஸ் அனுபவம் கிடைக்கும். ஸ்னாப்டிராகன் 845 பிராசஸர் கொண்டிருக்கும் ரேசர் போன் 2 மாடலில் அதிகபட்சம் 8 ஜி.பி. ரேம் வழங்கப்பட்டுள்ளது.

இத்துடன் 12 எம்.பி. பிரைமரி கேமரா வழங்கப்பட்டுள்ளது. இதன் பின்புறம் ரேசர் குரோமா RGB லோகோ இடம்பெற்று இருக்கிறது. கிளாஸ் பேக் கொண்டிருக்கும் ரேசர் போன் 2 மாடல் IP67 தர வாட்டர் ரெசிஸ்டன்ட் வசதி, முன்பக்கம் ஸ்டீரியோ ஸ்பீக்கர்கள், டால்பி அட்மோஸ் வசதி வழங்கப்பட்டுள்ளது.

முந்தைய ஸ்மார்ட்போன் போன்றே புதிய மாடலிலும் 3.5 எம்.எம். ஆடியோ ஜாக் வழங்கப்படவில்லை, மாற்றாக 24-பிட் DAC ஆடியோ அடாப்டர் வழங்கப்பட்டுள்ளது. 8.5 எம்.எம். மெல்லிய வடிவமைப்பு, 4000 எம்.ஏ.ஹெச். பேட்டரி, குவால்காம் குவிக் சார்ஜ் பிளஸ் மற்றும் வயர்லெஸ் சார்ஜிங் வசதி வழங்கப்பட்டுள்ளது.

- 5.72 இன்ச் 2560x1440 பிக்சல் குவாட் ஹெச்.டி. IGZO LCD அல்ட்ராமோஷன் டிஸ்ப்ளே

- கார்னிங் கொரில்லா கிளாஸ் 5

- 2.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 845 பிராசஸர்

- அட்ரினோ 630 GPU

- 8 ஜி.பி. ரேம்

- 64 ஜி.பி. மெமரி

- மெமரியை நீட்டிக்கும் வசதி

- ஆன்ட்ராய்டு 8.1 ஓரியோ

- 12 எம்.பி. கேமரா f/1.75 வைடு-ஆங்கிள் லென்ஸ், OIS, டூயல் PDAF 

- 12 எம்.பி. இரண்டாவது பிரைமரி கேமரா, f/2.6 டெலிபோட்டோ லென்ஸ், சோனி IMX சென்சார், டூயல்-டோன் எல்.இ.டி. ஃபிளாஷ்

- 8 எம்.பி. செல்ஃபி கேமரா, f/2.0

- பக்கவாட்டில் கைரேகை சென்சார்

- வாட்டர் ரெசிஸ்டன்ட் (IP67)

- முன்பக்கம் ஸ்டீரியோ ஸ்பீக்கர்கள், டால்பி அட்மோஸ்

- 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி

- 4000 எம்.ஏ.ஹெச். பேட்டரி

- குவால்காம் குவிக் சார்ஜ் 4 பிளஸ்

- வயர்லெஸ் சார்ஜிங்

ரேசர் போன் 2 மாடல் மிரர் மற்றும் சாட்டின் வெர்ஷன்களில் கிடைக்கிறது. இதன் விலை 799 டாலர்கள் (இந்திய மதிப்பில் ரூ.59,450) என நிர்ணயம் செய்யப்பட்டுள்ளது.